Qazirgi ýaqytta koronavırýs (COVID-19) jaıly estý kópshilik úshin aýyr tıip jatqany belgili. Ásirese, pandemııa jaıyndaǵy aqparattardyń balalarǵa áseri men olardyń jaǵymsyz málimetterdi qabyldaýy turǵysynda unicef.org otbasynda balalarmen ashyq sóılesýdiń, balanyń kóńilin aýlaý áreketinde, aqparatty qabyldaýy, t.b. jaǵdaılarǵa oraı keńester usynady.
Onda balamen ashyq suhbattyń mańyzdy ekendigi aıtylady. Osy oraıda balalarǵa erkin sóıleýge múmkindik berý, sýret salý, tarıh jaıynda aıtyp berý jáne basqa da ádister arqyly áńgimege tartýdyń mańyzdy ekendigi aıtylady. Eń bastysy, balalardy alańdatqan máselege bolmashy nárse retinde qaramaý. Olardyń sezimderin qabyldap, mundaı jaǵdaıda qorqynyshtyń paıda bolýy zańdy ekendigin túsindirý. Eresek adamnyń muqııat tyńdap otyrǵanyn bildirý, kez kelgen jaǵdaıda ata-ana áńgimege daıyn ekendigin bildirýi qajet.
Balaǵa túsinikti tilmen álemde bolyp jatqan pandemııa jaıynda shyndyqty túsindirý mańyzdy. Balalar álemde ne bolyp jatqany týraly shynaıy aqparatty bilýge quqyly, degenimen eresekter olardy zııan aqparattan qorǵaýy mindetti. Balalardyń jasyna laıyq tilde sóılesip, olardyń qabyldaýyn qadaǵalap, olardyń árketine kóńil bólý de mańyzdy.
Balalardyń suraqtaryna jaýap taba almaǵan kezde oıdan qurastyrmaı, kásibı derekterge súıengen abzal. Balalarǵa ǵalamtordaǵy aqparattardyń barlyǵy birdeı shyndyqpen janasa bermeıtindigin túsinýi qajet. Balalarǵa ózin jáne dostaryn qalaı qorǵaýǵa bolatynyn kórsetý qajet. Balalardy koronavırýstan jáne basqa aýrýlardan qorǵaýdyń eń jaqsy tásilderiniń biri - qoldy únemi jýyp turýǵa yntalandyrý. Qorqytý arqyly úıretý negizsiz. Balaǵa unaıtyn jaǵymdy án aıtyp nemese bı bılep qol jýý erejelerin qyzyqty etip úıretýge bolady.
Balalarǵa ata-analarynyń ózderin qıyn jaǵdaıda qaldyrmaıtyndyǵyn bilý mańyzdy. Sondyqtan da balalarǵa kez kelgen ýaqytta sóılesýge bolatyndyǵyn qaıtalap eskertý mańyzdy. IýNISEF mamany Djeıkob Hant jınaǵan málimettermen atalǵan uıym saıtynan keńinen tanysýǵa bolady.