Bilim jáne ǵylym mınıstrliginiń málimeti boıynsha, synama sabaqtar pandemııa kezinde qashyqtan bilim alýǵa daıyndyǵyn tekserý maqsatynda ótedi. Al 2 sáýirde ata-analar jınalysy ótedi.
Onyń barysynda júıege qosylý, balalar jumysyn durys uıymdastyrý máselesi aıtylady. 3 sáýirde oqýshylarmen synyp saǵattary ótedi. Onyń barysynda balalarǵa tıisti aqparattar berilip, muǵalimder qashyqtan oqý týraly suraqtarǵa jaýap beredi. Nátıjesinde, 6 sáýir kúni balalar da, ata-analar men qurylǵylar da qashyqtan bilimge daıyn bolýy kerek. Osyǵan oraı barlyq suraqtar boıynsha Bilim jáne ǵylym mınıstrliginiń 1450 koll-ortalyǵyna habarlasýǵa bolady.
Bilim jáne ǵylym mınıstrliginiń málimeti boıynsha, ázirge balalardyń jazǵy demalysyn qysqartýǵa negiz joq. Al UBT-ny maýsym aıynyń aıaǵynda ótkizý josparlanǵan. Qazirgi kezde UBT synama testerin aqysyz ótkizý boıynsha jaǵdaı jasalǵandyqtan, testileýdiń 70 nusqasy UBT saıtynda qoljetimdi. Soǵan oraı oqýshylar qazirgi kezde synama testileýden tegin ótýde.