Ruqsatnamany 6 sáýirge deıin alý kerek.
6 sáýirden bastap О́skemen qalasynyń turǵyndary oblys ortalyǵynda júrip-turýy úshin ruqsat qaǵazyn alýy tıis. Eger ruqsat qaǵazy bolmasa, qala ishinde júrip-turý shekteledi. Bul týraly óńirlik kommýnıkasııalar qyzmetinde ótken brıfıng barysynda qala ákimi Jaqsylyq Omar málim etti. «Birinshi tıpti ruqsatnama boıynsha qala turǵyndaryn medısınalyq qyzmetpen, sondaı-aq sý, elektr jáne jylýmen jabdyqtaý, avarııalyq qyzmetter, qalany dezınfeksııalaý, QTQ jınaý jáne kádege jaratý, telekommýnıkasııa, kólik jáne áleýmettik qyzmetti qamtamasyz etý qyzmetteri salasynda eńbek etetin adamdarǵa beriledi» dedi Jaqsylyq Omar.
Qala turǵyndarynyń júrip-turýy úshin olarǵa ekinshi tıpti ruqsatnama beriledi. Sol arqyly óskemendikter aptasyna úsh ret saýda obektilerine, dárihanalar men bankterge, sondaı-aq medısınalyq mekemelerge bara alady. Alaıda ruqsatnamanyń mundaı túri bir páterge bireýden ǵana beriledi. Al jasyl ruqsatnama jup kúnderine ǵana jaramdy bolsa, aq ruqsatnama taq kúnderine arnalǵan. «Ruqsatnamalardyń mundaı túrin alý úshin kópqabatty turǵyn úılerdiń ıeleri 1 sáýirden bastap PIK-ke jáne kondomınıýmǵa bara alady. Al jeke sektorda turatyn adamdar ruqsatnamany JBK fılıaldarynan ala alady. Ruqsatnamany 6 sáýirge deıin alý kerek. Berý ýaqyty 08.00-den 00.00-ge deıin júrgiziledi» deıdi qala ákimi.
О́SKEMEN