Munaı baǵasyna qatysty jańalyqtar kesheden beri betin bura bastady. Keshe túnde munaı baǵasynyń 40 paıyzǵa kóteriledi degen aqjoltaı jańalyqtardy álemniń sát saıyn qyryq qubylyp turatyn aqparat agenttikteriniń bári habarlady.
Al búgin tańerteń «Saýd Arabııasy OPEK + aıasyndaǵy seriktes elderdi munaı naryǵyndaǵy jaǵdaıdy talqylaý úshin tótenshe jınalys ótkizýge shaqyrdy» degen habar tarady. OPEK+ jaqqa qarap eleńdep, jol sómkesi jınaýly turǵan talaı sheneýnik qazir áýejaıǵa attanyp bara jatuany aqıqat. Bul derekkózdi Saýd Arabııasynyń baspasóz agenttigi 1 saǵat buryn taratypty.
«Koroldik munaı naryqtaryndaǵy qajetti tepe-teńdikti qalpyna keltiretin ádil kelisimge qol jetkizý úshin OPEK + jáne basqa elder toby arasynda shuǵyl jınalys ótkizýge shaqyrady» delingen habarlamada.
Saýd Arabııasynyń mundaı sheshimi álemdik ekonomıkany «erekshe jaǵdaılarda» qoldaýǵa degen talpynyspen jáne AQSh prezıdenti Donald Tramptyń «ótinishin qanaǵattandyrýmen» baılanysty dep atap ótilgen.
Buryn habarlanǵandaı, Brent markaly munaıdyń maýsymdyq fıýchersteri saýda sessııasy barysynda 46,7% -ǵa ósip, barreline $ 36,29 deńgeıine jetti.
Tramp óz kezeginde Máskeý men Er-Rııad arasyndaǵy munaı týraly kelisim kútip turǵanyn aıtty.