Nur-Sultan qalalyq Qoǵamdyq densaýlyq saqtaý basqarmasynyń basshysy Sáýle Qısyqova elordada koronavırýstan emdelip jatqandardyń jaǵdaıy týraly aıtty.
Koronavırýs ınfeksııasyna shaldyqqan adamdardyń arasynda beseýi turaqty aýyr jaǵdaıda, úsh naýqastyń ókpesi jasandy ventılıasııalyq apparatqa qosylǵan.
Basqarma basshysy em-dom sharalary klınıkalyq hattamaǵa sáıkes júrgizilip jatqanyn atap ótti.
«Qalǵan emdelip jatqan adamdardyń densaýlyq jaǵdaıy qanaǵattanarlyq, emdeý sharalary jalǵasýda», - dedi S. Qısyqova.
Onyń sózine qaraǵanda, 4 sáýirdegi jaǵdaı boıynsha elordada ınfeksııalyq stasıonarlarda 862 adam jatyr, sonyń ishinde balalardyń sany — 44.
Qala boıynsha koronavırýs ınfeksııasynyń 202 oqıǵasy tirkeldi. Onyń ishinde 186 adam stasıonarda, 17 adam emdeldi, bir adam indetten qaıtys boldy.