Koronavırýsty jeńip shyqqanyn jarııalap, talaılardyń keýdesine úmit otyn uıalatqan kórshimiz - Qytaı indettiń ekinshi tolqynynan qorqyp, qalalardy qaıtadan jaýyp jatyr. Atap aıtqanda, bılik jalpy karantınge Henan provınsııasynyń – Szıa aýdanynyń esigin japty. Aýdan halqynyń sany – 600 000 adam.
Qazir aýdanǵa kirip-shyǵý jabyq, qoǵamdyq kólikter men taksılerdiń qozǵalysy toqtatyldy. Turǵyndarǵa qaıtadan úıden arnaıy ruqsatsyz ketýge tyıym salyndy. Blokada aımaqta COVID-19 sımptomsyz tasymaldaýshylary anyqtalǵannan keıin jarııalandy. Buǵan deıin Qytaı bıligi indettiń naqty kólemin jasyrdy dep aıyptalǵan bolatyn. Kesheden bastap Beıjiń kún saıyn jańa asımptomatıkalyq ınfeksııalar týraly esepter bere bastady. Táýlik ishinde elde 35 jańa ınfeksııa jáne 6 ólim resmı tirkeldi, vırýsty juqtyryp alǵan adamdardyń bári shetelden kelgen jergilikti azamattar. «Qytaı vırýsty jeńdi» degen kúnnen bastap turǵyndar shetelge saıahattaýǵa shyqqan. Sebebi jergilikti týrıstik agenttikter eki-úsh ese arzan baǵamen joldamalar usynǵan. Arzan joldamany kórgen soń shydap tura alǵan adamdar az bolypty.
Qytaı basylymdary kesheden beri koronavırýstyń emi tabylmaıynsha, burynǵy ómir saltyn umytý kerektigin eskertip jatyr. Bul - halyqaralyq týrızm, 10 adamnan artyq qatysatyn jıyndardy shekteý, halyqaralyq jıyndardy onlaın rejımde ótkizý. Bul másele aldaǵy ýaqytta zań sheńberi arqyly bekitiletin kórinedi. Qytaı qoǵamy bul tártipti qabyldasa, halyqaralyq jıyndar úshin myńdaǵan delegasııany bir jerge jınaýdyń qajeti bolmaı qalady. Internet platformalardyń aýkkaýnt terezesi forým mindetin atqara beretin kórinedi.
Tipti Qytaıdaǵy jeńil ónerkásip ındýstrııasynyń ókilderi betperdesi bar kıim úlgilerin ashyq saýdaǵa shyǵarýǵa daıyn otyr eken.
«Aldaǵy ýaqytta betperdesi bar sán kıimderi trendke aınalady. Qytaı ındýstrııasy soǵan yńǵaılanyp jatyr. Bul - qajettilik» deıdi 9tv.co.il
Basqa eldermen salystyrǵanda, az bolǵanymen, elde dúrbeleń kóbeıip keledi, óıtkeni Ýhandaǵy túngi qorqynysh qaıtadan bolýy múmkin. Osy jaǵdaıda Qytaı ekinshi reısti boldyrmas úshin halyqaralyq reısterdi shektep, shekaralyq baqylaýdy kúsheıtti.
Ǵalymdar bul Covid-19 ertegidegi jeti basty aıdahardan da qaýipti ekenin, 19 túrli vırýstyń qosyndysy ekenin aıtyp jatyr. Qazirgi jaǵdaıda biz birinshi qaýiptiń ǵana basyn qaıtardyq. Bul vırýsqa qarsy adam aǵzasynda ımmýnıtet joq. Salystyrmaly túrde aıtsaq, adamnyń aǵzasyndaǵy qorǵanysh qabileti 19 ese kúshti bolýy kerek.
DDSU da dertke qarsy vaksına jyl aıaǵyna deıin daıyn bolmaıtynyn eskertti. 19 túrli vırýstyń qosyndysynyń betin qaıtarý HHI medısınasyna ońaı bolmaıyn dep tur. Jaratylystyń zańyna qarsy shyǵyp, adamnyń ornyn robot almastyrady dep astamsyǵan adamzatqa ózi tapqan mıllıon túrli tehnologııaǵa emes, betperdege ǵana táýeldi bolyp, tórt qabyrǵaly páteriniń terezesinen dalaǵa telmirip qaldy. Medısınasynyń myń jyldyq tarıhy bar Qytaı qaıta soqqan daýyldan qorǵaný úshin esik-terezesin qymtaı bastady. Qazirgi jaǵdaı qazaqqa esigin aqyryn ashyp, aqyryn jaýyp júrý qajettigin, aldaǵy ýaqytta saqtyqpen júrý qajettigin eskertip jatyr, uqtyryp jatyr.
Aýyldan habarlasqan aǵaıynnyń sózinen uqqanymyz – aýyl da basy artyq jıynnan jáne beımezgil kóshege shyǵýdan saqtana bastapty. Basqasha aıtqanda, kúndiz-túni esigi jabylmaıtyn aýyl úıleriniń esigi jabylǵan. Qaýipti dertten osylaı saqtap, karantındegi aýylǵa aınalyp barady. Qazir qazaq úshin bastyń amandyǵy olja bolyp tur. «Bas aman bolsa, toılarymyz alda» degenmen de, burynǵy ómir saltyn biraz ýaqytqa deıin umytyp, etek-jeńdi jyıýǵa týra keledi. Múmkin bul indet adamzattyń boıyndaǵy daraqylyqtan tazartyp, Abaı aıtqan bes dushpan: maqtanshaqtyq, erinshektik, beker mal shashpaqtan aýlaq júrý qajettigin uqtyrý úshin jer betine jiberilgen daýyl shyǵar.