Nıý-Iork qalasyndaǵy Bronks haıýanattar baǵyndaǵy jolbarystan COVID-19 vırýsy anyqtaldy. Bul týraly nationalgeographic.com saıty habarlady.
AQSh aýyl sharýashylyǵy mınıstrliginiń málimetine súıenip daıyndalǵan aqparatta atalǵan haıýanattar baǵyndaǵy jeti jolbarystan koronavırýs indetiniń sımptomdary baıqalǵan. Sonyń bireýinen test alynyp, onysy oń nátıje kórsetken. Bul – álemde koronavırýstyń jolbarystan ǵana emes, jabaıy janýarlardan tabylǵan alǵashqy jaǵdaı.
Haıýanattar baǵynyń bas veterınary Pol Kallenyń aıtýynsha, jabaıy janýarǵa vırýs adamnan juqqan. Nadıa esimdi tórt jasar Malaı jolbarysynda naýryzdyń sońynda qurǵaq jótel kúsheıgen soń, 2 sáýirde vırýstyń bar-joǵy tekserilgen. Bul ańnyń birge týǵan uıalasyna qosa áli tekserilmegen eki Sibir jolbarysyn jáne úsh afrıkalyq arystandy jótel qysyp, tábetteri qashqan. Jalpy jeti jyrtqyshtyń jaǵdaıyn baqylaýda ustap otyrǵanmen, vırýstyń janýarlar arasynda qalaı órshıtini belgisiz bolyp tur.
Bronks haıýanattar baǵy 16 naýryzdan bastap kelýshiler úshin jabylǵan.
Qazirgi ýaqytta úı nemese jabaıy janýarlardyń adamdar arasynda jańa koronavırýsty tarata alatynyna dálel joq. Degenmen buǵan deıin birneshe úı janýarynan, sonyń ishinde Gonkongtan pomor jáne nemis ovcharkalarynan jáne Belgııada mysyqtan SARS-CoV-2 koronavırýsy anyqtalǵan. Bul jańa Covid-19 koronavırýsyna jeteleıdi.