Aqmola jáne Almaty óńirlik garnızondary áskerı polısııa jasaqtarynyń áskerı qyzmetshileri Ulttyq Ulan jáne polısııa bólimshelerimen birlesip, Nur-Sultan jáne Almaty qalalarynda patrýldeýge qatysady.
Birlesken patrýldeý – bul karantın kezinde qoǵamdyq tártip pen azamattardyń qaýipsizdigin qamtamasyz etý úshin qajetti shara sanalady. Əskerı polısııanyń jasaǵy karantındik aımaqtyń aýmaǵy boıynsha uıymdastyrylǵan blok-beketterde táýlik boıy kezekshilik etedi, qoǵamdyq oryndardy patrýldeıdi jáne áskerı avtokólik lekterin súıemeldeıdi.
Prezıdent Qasym-Jomart Toqaev tótenshe jaǵdaı jónindegi memlekettik komıssııanyń otyrysy barysynda qoǵamdyq qaýipsizdikti qamtamasyz etý qajettiligin alǵa tartyp, «quqyq buzýshylyqtyń, eń aldymen urlyq, tonaý, bıliktiń zańdy talaptaryna baǵynbaý faktileriniń ósýine jol bermeýge bolmaıdy» dep taǵy da atap ótti.