«QazTransGaz Aımaq» AQ qyzmetkerleri kásibı merekeni sporttyq saıystarmen atap ótti
«QazTransGaz Aımaq» AQ 2013 jylǵy 3-6 qyrkúıek aralyǵynda Munaı-gaz salasy qyzmetkerleriniń kúnine oraılastyrylǵan kezekti jyl saıynǵy Jazǵy spartakıada ótkizdi. Dástúrge aınalǵan bul is-shara bıyl alǵashqy ret Qapshaǵaı kóli jaǵasyndaǵy shyraıly demalys ornynda ótti.
«QazTransGaz Aımaq» AQ qyzmetkerleri kásibı merekeni sporttyq saıystarmen atap ótti
«QazTransGaz Aımaq» AQ 2013 jylǵy 3-6 qyrkúıek aralyǵynda Munaı-gaz salasy qyzmetkerleriniń kúnine oraılastyrylǵan kezekti jyl saıynǵy Jazǵy spartakıada ótkizdi. Dástúrge aınalǵan bul is-shara bıyl alǵashqy ret Qapshaǵaı kóli jaǵasyndaǵy shyraıly demalys ornynda ótti.
Spartakıada saltanatty túrde 4 qyrkúıek kúni «Heaven Club» demalys kesheninde ashyldy. Úsh kúndik Spartakıada jarysynyń baǵdarlamasy sporttyń alty túri – jeńil atletıka, «Prezıdenttik mıl», shaǵyn fýtbol, voleıbol, júzý, ústel tennısi jáne shahmat boıynsha uıymdastyryldy. Aıta keterligi, jarys barlyq halyqaralyq standarttar boıynsha ótkizilip, táýelsiz tóreshilerdiń qatysýymen úzdikter anyqtaldy.
Alǵashqy kúni shaǵyn fýtbol, sýǵa júzý men qashyqtyqqa júgirý boıynsha júldeler sarapqa salynsa, ekinshi kúni gaz salasynyń mamandary ústel tennısi, shahmat jáne voleıboldan baq synasty.
Jarysqa qatysý úshin kompanııanyń – Mańǵystaý, Atyraý, Aqtóbe, Batys Qazaqstan, Qostanaı, Qyzylorda, Ońtústik Qazaqstan, Jambyl sııaqty 8 óndiristik fılıalynyń jáne Ortalyq apparattyń komandalary keldi. Bul jolǵy jazǵy Spartakıada qatysýshylar sanynyń kóptigimen de erekshelenip otyr. Sporttyq saıystar alańyna «QazTransGaz Aımaqtyń» 200-ge jýyq qyzmetkeri shyqty.
Jazǵy Spartakıadany ótkizýdiń maqsaty kompanııa qyzmetkerleri arasynda dene shynyqtyrýdy, sport pen salamatty ómir saltyn nasıhattaý.
Spartakıadanyń ashylýynda sóz sóılegen «QazTransGaz Aımaq» AQ Bas dırektordyń orynbasary Ǵ.A. Aıdosov, qyzmetkerler arasynda jylyna eki márte ótkiziletin osyndaı sporttyq saıystyń komandalyq rýh pen ózara túsinistik qalyptastyrýda taptyrmas qural ekenin atap ótti.
«Júıeli túrde ótkiziletin sporttyq jarystar jáne týrnırler ujymnyń uıymshyldyǵyna ákeledi, kompanııadaǵy psıhologııalyq klımat úshin mańyzy óte úlken. Qyzmetkerlerdi dene shynyqtyrýmen jáne sportpen aınalysýǵa tartý boıynsha jumystardy uıymdastyrý bizdiń korporatıvtik mádenıetimizdiń ajyramas bóligi bolyp tabylady. Buny bizdiń qyzmetkerlerimizdiń densaýlyǵyn jaqsartýǵa salynǵan ınvestısııa dep te aıtýǵa bolady. О́ıtkeni, densaýlyǵy myqty jáne rýhy kúshti adam ǵana jemisti jáne tabysty jumys isteıtini jalpyǵa belgili», – deıdi Ǵ.Aıdosov.
Saıystar qorytyndysy boıynsha, jalpykomandalyq 1-oryndy bıyl derbes komanda bolyp qatysqan Atyraý óndiristik fılıalynyń qyzmetkerleri aldy. Ekinshi oryn – Aqtóbe óndiristik fılıalynyń enshisinde. Úshinshi orynǵa Batys Qazaqstan óndiristik fılıaly laıyq dep tanyldy.
Spartakıada jeńimpazdaryn sporttyń komandalyq túrleri boıynsha kýboktarmen marapattap, jarys kóshbasshylaryna medaldar jáne baǵaly estelik syılyqtar tabys etildi.