Qos turǵynnyń ómirin qıǵan oqys oqıǵa keshe keshkisin shahardyń Medeý aýdanynda bolǵan. Sazanovskaıa kóshesindegi №68 úıdiń janyp jatqany týraly habar órt sóndirý qyzmetine saǵat 21:08- de kelip túsken.
«О́rt sóndirý bólimi órt shyqqan jerden 1,5 km qashyqta ornalasqan. Sondyqtan alǵashqy brıgada 5 mınýtta jetti. Osy ýaqytta úı otqa oranyp úlgergen. Qutqarýshylar janyp jatqan úıden eki adamdy alyp shyqty. Olar 1998 jyly týǵan er adam jáne 1989 jyly týǵan áıel. 60 sharshy metr aýmaqty sharpyǵan órt 15 mınýtta sóndirildi. Jalyndy aýyzdyqtaýǵa 21 órt sóndirýshi men 4 tehnıka jumyldyryldy» dep habarlady qalalyq TJD baspasóz qyzmeti.
Tilsiz jaýdyń qurbany bolǵan turǵyndarǵa dárigerler dereý jetkenimen, olardyń ómirin saqtap qalý múmkin bolmady.
ALMATY