Atyraý oblysyndaǵy túrmelerde 20 myńnan astam medısınalyq maska tikken sottalýshylarǵa qarjylaı syıaqy berildi.
«Erler túrmesinde 6 adam medısınalyq maska tigedi. Al, áıelder túrmesinde bul iske 25 adam tartyldy. Olar qysqa merzimde kóp ret paıdalanýǵa bolatyn 20 myńnan astam medısınalyq maska daıyndady. Bas bostandyǵynan aıyrylǵandar tikken qorǵanysh maskasyn oblystyq polısııa jáne Atyraý oblysy boıynsha Qylmystyq-atqarý júıesi departamentiniń qyzmetkerleri paıdalanýda» -dep habarlady Atyraý oblysy boıynsha Qylmystyq-atqarý júıesi departamentiniń baspasóz qyzmeti.
QR Ishki ister mınıstri Erlan Turǵymbaev tótenshe jaǵdaı kezinde maska tikken sottalýshylarǵa syıaqy berý jóninde sheshim qabyldaǵan.
«Osyǵan baılanysty Qylmystyq-atqarý júıesi komıtetiniń «Eńbek Atyraý» fılıaly 150 myń teńge bóldi. Bas bostandyǵynan aıyrylǵandar syıaqysyn aldy. Bul qarjy olardyń eńbekaqysy aýdarylatyn esepshottaryna tústi»-dedi Atyraý oblysy boıynsha Qylmystyq-atqarý júıesi departamenti baspasóz qyzmetinen.
Jumasat ǴAZIZ
Atyraý oblysy