«Eýropa álemniń basqa aımaqtaryna qaraǵanda edáýir aýyr resessııaǵa ushyraýy múmkin. EO elderiniń ekonomıkasy tek kelesi jyly ǵana qalpyna keledi» deıdi Eýropalyq ortalyq banktiń (EOB) vıse-prezıdenti Lýıs de Gındos.
Birinshi toqsanda Fransııa ekonomıkasy 6% -ǵa qysqardy, al Germanııanyń IJО́ ótken jyldyń osy kezeńimen salystyrǵanda 10% tómendeıdi. Bul málimetterdi búgin Bloomberg jarııalady.
«Qalaı bolǵanda da, 2021 jylǵy dınamıka 2020 jyldardaǵy aýyrtpalyqtyń ornyn toltyra almaıdy» dedi Lýıs de Gındos.
EOB ótken aptadan bastap ekonomıkany buryn-sońdy bolmaǵan kólemde yntalandyrý sharalaryn qolǵa aldy.
Eýropalyq Odaqtyń qarjy mınıstrleri ótken aptada koronavırýstyń ekonomıkalyq saldarlaryn joıýǵa arnalǵan 540 mıllıard eýro paketin kelisip, buryn-sońdy bolmaǵan proporsııalardyń quldyraýynyń aldyn-alý josparyn maquldady.
Gındostyń aıtýynsha, koronavırýstyń zardaptaryn joıýǵa jumsalatyn úkimettiń qosymsha shyǵyny 1,5 trıllıon eýroǵa jetýi múmkin. Bul qarjy kezeń-kezeńimen jumsalady.