Bes mıllıon teńge kólemindegi altyn buıymdaryn urlady degen kúdikti jeti aıdan keıin Qyzylorda qalasynda qolǵa tústi. Qostanaı oblysy PD baspasóz qyzmetiniń málimetinshe, qylmysker zergerlik buıymdardy ótken jyly 30 tamyzda Rýdnyı qalasynyń ámbebap dúkeninen urlaǵan. Dúkenge jertóle arqyly kirgen qylmyskerdiń júris-turysyn túgeldeı beıne baqylaý kamerasy jazyp alǵan. Biraq betperde kıip alǵandyqtan túr-álpetin taný múmkin bolmaǵan. Qylmys jasaǵannan keıin kúdikti dereý boı tasalap úlgergen.
- Polısııa kúdiktiniń sybaılastaryn urlanǵan zergerlik buıymdardy satý kezinde ustady jáne 32 jastaǵy Rýdnyı turǵynyn anyqtap, oǵan izdeý jarııalady. Altyn buıymdardyń bir bóligi qala lombardtarynan alyndy. Keıin urynyń Petropavl men Shymkent qalalarynda jasyrynǵany anyqtaldy. Jedel izdestirý is-sharasy barysynda ol Qyzylorda qalasynda qolǵa tústi. Qazirgi ýaqytta sotqa deıingi tergeý júrip jatyr. Kúdikti buǵan deıin de tonaý, esirtki jáne zańsyz qarý saqtaǵany úshin sottalǵan, - dep málimdedi polısııa departamentiniń baspasóz qyzmeti.
Qostanaı oblysy