«Kórshi haqysy táńir aqysy» degendeı, irgedegi Qostanaıdan qıyn sátte kómek kelýi kókshetaýlyqtardyń kóńilin demdep tastady.
Dezınfeksııalaýǵa arnalǵan kólikterdiń Kókshetaýda tapshy bolýyna baılanysty qostanaılyqtar qol ushyn sozyp, kómek kórsetýde. Atap aıtqanda, Qostanaı qalasynda qurastyrylǵan «Shevrolet Labo» kólikteri aımaqtaǵy koronavırýs indetine qarsy zalalsyzdandyrý jumystaryna paıdalanylmaq. Qozǵaltqyshy men qosalqy bólshekteri de Qazaqstanda jasalǵan.
– Jalpy 10 kólik satyp alý josparlanǵan. Qazir onyń tórteýi jetkizildi. Taǵy altaýyn alamyz. Syıymdylyǵy 800 tekshe metr, shaǵyn jáne yńǵaıly. Kósheler men turǵyn úılerdiń arasyn dezınfeksııalaýǵa arnalǵan kólikter óte qajet,–deıdi «Kókshetaý sý arnasy» kásipornynyń bas dırektory Ermek О́mirǵalıev.
Dezıfeksııalaýǵa arnalǵan 10 kóliktiń alǵashqy tórteýi oblys ortalyǵyna jáne qalǵan altaýy indet oshaǵy taraǵan aýdandarǵa jiberilmekshi. Oblys ortalyǵyn dezınfeksııalaý sharalary 25-shi naýryzda bastalǵan. Buǵan «Tazalyq» kommýnaldyq kásipornynan birneshe tehnıka men jumysshylar jumyldyrylǵan.