Túrkııa Irak, Birikken arab ámirlikteri, Katar, Kýveıt, Lıvan, Iordanııa jáne Bahreın elderine ushatyn barlyq áýe reısterin 6 naýryzǵa deıin toqtatty, dep habarlaıdy Egemen.kz.
Bul aqparat týraly Túrkııanyń Kólik mınıstrligi habarlady.
Iranǵa ushatyn reıster 12 naýryzǵa deıin shegerildi. Túrkııa Kólik mınıstri eger jaǵdaı ýshyǵatyn bolsa, Saýd Arabııasy men Omanǵa baratyn ushaqtardy da toqtatamyz dep málimdedi. Al Qazaqstan men Túrkııa arasyndaǵy reısterde eshqandaı shekteý joq. Budan bólek, Túrkııa bıligi Iranmen shekaradaǵy úsh beketti bir jaqty jabý týraly sheshim qabyldady. Iаǵnı Túrkııadan Iranǵa ótý ashyq, al Irannan elge tek qana Túrkııa azamattary kire alady. Buǵan deıin Túrkııa áýe kompanııasy AQSh pen Izraıl tarapynan Iran-ǵa jasalǵan shabýyldardan keıin Taıaý Shyǵysqa baǵyttalǵan reısterin toqtatqan edi.Ushyp barý toqtatylǵan elder qataryna Lıvan, Sırııa, Irak, Iran, Iordanııa, Katar, Kýveıt, Bahreın,Birikken Arab Ámirlikteri, Oman memleketteri kirdi.
Túrkııa óz áýesinde Irannan ushyrylǵan zymyrandy joıdy
Áýe kompanııasy áýe keńistigin naqty ýaqyt rejıminde qadaǵalap otyrǵanyn jáne qaýipsizdik jaǵdaıyna baılanysty qosymsha reısterdi toqtatý týraly sheshimder qabyldanýy múmkin ekenin habarlady.
«Aımaqtaǵy jaǵdaı turaqsyz, jáne jolaýshylar qaýipsizdigi – bizdiń basty basymdyǵymyz», dep málimdedi Turkish Airlines.
Aıta keteıik, buǵan deıin Taıaý Shyǵystaǵy shıelenis aımaqtarynan 946 otandasymyz shyǵarylǵanyn habarlaǵan edik.