«Qazaqstan qor bırjasy» (KASE) Basqarma tóraǵasy Ádil Muhamedjanov CFO SUMMIT KAZAKHSTAN 2026 is-sharasyna qatysty. Ol bankter men damý ınstıtýttarynyń ókilderimen qatar «Uzyn aqsha, qysqa sıkl jáne qymbat kapıtal» atty paneldik pikirtalasta sóz sóıledi, dep jazady Egemen.kz.
Qatysýshylar ishki naryqtaǵy «uzyn» aqsha kózderin, zeınetaqy aktıvteriniń rólin talqylap, bankterdiń boryshtyq baǵaly qaǵazdardy shyǵarýǵa nege asyqpaıtyny jóninde pikir bildirdi. Sondaı-aq spıkerler ınvestorlar sheńberin keńeıtý jáne tranzaksııalyq shyǵyndy azaıtý turǵysynan sıfrlyq qarjy quraldarynyń áleýetin qarastyrdy.
Ádil Muhamedjanov uzaqmerzimdi ınvestısııalar naryǵynda negizgi róldi búginde zeınetaqy qorlary atqaratynyn atap ótti. Uzaqmerzimdi oblıgasııalar men ózge de boryshtyq quraldardy satyp alýǵa kóbirek ınvestor tartý úshin olardyń qaryz alýshylarǵa senimi bolýy jáne naryqtyń turaqtylyǵyna arqa súıeı alýy mańyzdy. Sonymen qatar, onyń aıtýynsha, tehnologııalar naryq múmkindikterin keńeıtip, jańa qatysýshylardy tartýǵa yqpal ete alady.
«Tehnologııalardyń ózi aqshany avtomatty túrde uzyn nemese arzan etpeıdi, alaıda olar jańa oıynshylar úshin jańa múmkindikter jasap, naryqty keńeıte alady. Sıfrlyq qarjy quraldary men tokenızasııa mańyzdy úsh artyqshylyq beredi: operasııalardy avtomattandyrý, bólshek ınvestorlar úshin kedergilerdi azaıtý jáne quraldardy naryqqa jedel shyǵarý», dep atap ótti KASE basshysy.
Onyń sózinshe, búgingi tańda bırjanyń mindeti – naryqty bólikterge bólmeı, klassıkalyq jáne sıfrlyq ınfraqurylymdy ıntegrasııalaý. Barlyq qural biryńǵaı keńistikte qoljetimdi bolyp, ınvestor úshin olarǵa qol jetkizýdiń qarapaıym ári túsinikti negizi bolýǵa tıis.
Oraz Jandosov: Lıberaldanbaǵan naryqtar men altyndy «aınalaý» ınflıasııany kusheıtip jiberedi