Qostanaı oblysynda koronavırýstan kóz jumǵan adam Jitiqara qalasynyń turǵyny bolyp shyqty. Naýqas boıyndaǵy indet belgilerin alǵash 5 sáýirde baıqaǵan. Alaıda medısına mekemelerine habarlaspaǵan. Úıinde ózin-ózi emdeýge tyrysqan. Muny dárigerlerge naýqastardyń ózderi aıtyp bergen. Bul týraly óńirlik kommýnıkasııa qyzmeti ortalyǵynda ótken shuǵyl baspasóz jıynynda densaýlyq saqtaý basqarmasynyń basshysy Vıacheslav Dýdnık málimdedi.
12 sáýirde Jitiqara qalasynda, biri - 74, ekinshisi 65 jastaǵy eki adam qyzýy kóterilip, alqynyp, álsiregen kúıde aýrýhanaǵa túsedi. Naýqastar jedel túrde zerthanalyq tekserýge jiberilgen. Keshe dıagnostıkalyq zertteý qorytyndysy boıynsha olardyń ekeýiniń de koronovırýs juqtyrǵany anyqtalyp, gospıtalǵa jatqyzyldy.
Naýqastarmen baılanysta bolǵan adamdardyń barlyǵy anyqtalyp, oqshaýlanyp, medısınalyq baqylaýǵa alynǵan.
14 sáýir kúni saǵat 18.30-da 1945 jyly týǵan naýqastyń jaǵdaıy kúrt kúrt nasharlap, dene qyzýy 39 gradýstan asyp ketti. Búgin tańerteń ınkýbasııa jasalyp, naýqasty ókpege jasandy jolmen dem jiberetin qurylǵyǵa qostyq. Júrek qyzmeti toqtaǵan soń, tolyq kólemde reanımasııa ótkizildi. О́kinishke qaraı, tańǵy 8.30-da naýqas kóz jumdy. 65 jastaǵy ekinshi naýqas Jitiqara qalasynda aýrýhanada jatyr, - dedi basqarma basshysy.
Qostanaı oblysy