Mádenıet jáne sport mınıstrligi Til saıasaty komıtetiniń uıymdastyrýymen 15 sáýirde Ulttyq komıssııa janyndaǵy Orfografııalyq jumys tobynyń keńeıtilgen respýblıkalyq onlaın otyrysyn ótkizdi.
Oǵan atalǵan jumys tobynyń músheleri jáne elimizdegi joǵary oqý oryndarynyń ǵalymdary qatysty.
Mundaǵy maqsat – álipbıdi jetildirýge jóninde ǵalymdardyń usynystaryn ortaǵa salý, pikir almasý, keıbir dybystardyń tańbalanýyn ǵylymı turǵydan pysyqtaý.
Otyrys barysynda jetildirilgen álipbıdegi /ý / ı / i / tańbalarynyń «y», «i» jáne «ı» dybystarynyń mánin berýdegi dybystyq mazmuny talqylandy. «Y» men «i» dybysyn tańbalaýda áripterdiń turqy uqsas bolýy kerek degen pikirler men «ı» dybysy úshin «y» tańbasy qoldanylǵany durys degen ýájder ǵylymı talqynyń negizi boldy. Joǵaryda atalǵan tańbalardyń dybystyq mazmuny jeke jáne ózara sabaqtastyqta taldanyp, ǵalymdar tarapynan naqty pikirler men usynystar aıtyldy.
Bul pikirler men usynystar boıynsha aldaǵy ýaqytta saraptaý jumystary júrgiziletin bolady.