Qostanaı oblysyna qarasty Jitiqara aýdany 2020 jylǵy 16 sáýirde saǵat 00.00 bastap karantın rejimine kóshedi. Búgin oblystyń Bas sanıtary V.Nechıtaılo bul týraly arnaıy qaýly shyǵaryp, aýdanda epıdemıologııalyq jaǵdaıdyń shıelenisýine baılanysty shekteýler men tyıym sharalary kúsheıtiletinin málimdedi.
Aýdan turǵyndaryna jumysqa, dárihanaǵa, dúkenge barý úshin ǵana úıden shyǵýǵa ruqsat etiledi. Dúken men dárihana 500 metrden qashyq bolmaýy tıis.
Aýdan ákimi Abaı Ybyraevtyń aıtýynsha, qazir aýdandyq aýrýhana jumys istemeıdi. Jitiqaraǵa oblys ortalyǵynan qosymsha 4 jedel járdem brıgadasy jóneltilgen. Turǵyndar naýqastanyp qalǵan jaǵdaıda kórshiles jatqan Denısov, Qamysty aýdandarynyń aýrýhanalaryna jatqyzylatyn bolady.
Qostanaı oblysy