Túrkııanyń Ystambul men Adana qalalarynda bıliktiń ýnıversıtet aýmaǵyndaǵy taldardy kesý jónindegi sheshimine qarsy narazylyq aksııalary bolyp ótti. Bul týraly ITAR-TASS habarlady.
Ereýilshilerdi taratý úshin polısııaǵa sý men kóz jasaýratatyn gaz qoldanýǵa týra keldi. Jergilikti telearnalar 10 shaqty adamnyń qamaýǵa alynǵanyn málimdedi.
Adana qalasynda ondaǵan adam Atatúrik atyndaǵy saıabaqta jınalyp, sherýlerin qala ortalyǵyna qaraı baǵyttaýǵa bekingen. Kóshelerdiń birinde polısııa olarǵa tosqaýyl jasap, sherýdi toqtatpaq boldy. Alaıda, ereýilshiler kóshede barrıkada quryp, tártip saqshylaryna tas laqtyra bastady. Ashynǵan topty taratý úshin quqyq qorǵaýshylar sý men kóz jasaýratatyn gaz qoldanǵan kórinedi.
Ystambul qalasynda júzge jýyq adam kóshelerde ot jaǵyp, barrıkadalar qurý arqyly kólik qozǵalysyn toqtatyp tastady. Polısııanyń halyqty taraýǵa shaqyrýlary nátıje bermegen soń, olarǵa qarsy arnaıy amaldar qoldanyldy. Ereýilshiler óz kezeginde tasa jerlerge shegine berip, polısııa qyzmetkerlerine tas laqtyrdy.
Aıdar О́risbaev.