Tótenshe jaǵdaıdyń talaby burynǵydan ózgeshe. Tipti solaı bolǵan kúnniń ózinde shyǵarmashylyq jandar nebir týyndylardy jasap, aınalasyndaǵylarǵa tálim-tárbıe bere alady eken.
Armandar oryndalady. Oǵan belgili qylqalam sheberi, pedagog, dızaıner Anar Sattybaeva kámil senimdi. Ol oblys ortalyǵynda «Granat» shyǵarmashylyq stýdııasyn ashqan bolatyn. Karantın kezinde sýretshi bolýdy armandaıtyn adamdarǵa onlaın-sabaq ótkizýde. Úırenýshilerdiń jas ereksheligi de ártúrli. Eń egdesi 76 jasta. Tipti 3 jastaǵy balalar da sabaqqa qatysa alady.
–Negizinde tótenshe jaǵdaı bizdiń qabiletimizdiń ózge tustaryn ashýǵa úlken múmkindik týdyryp otyr. О́skeleń urpaqqa ne bere alamyz degen saýaldy saralaıtyn sát týǵyzyp otyrǵandaı. Sondyqtan kúrdeli jaǵdaıǵa qaramastan, bar bilgenimizdi balalarǵa úıretýge tyrysamyz. Balǵyn búldirshinder qýana qabyldaıdy. Qazir túrli bilim berý baǵdarlamalaryn ınternet arqyly júzege asyrýdamyz. Nátıjesin ýaqyt kórsetedi, deıdi pedagog Anar Sattybaeva.
Anar Sattybaevanyń aıtýynsha, karantın rejimi bastalǵanǵa deıin stýdııadan sabaq alǵandardyń qatary 100-den asqan. Qazir olar onlaın-sabaqtarǵa ıkemdele almaı júrgen kórinedi. Tehnıkalyq aqaýlar da jıi kezdesedi. Skaıp, Vatsap, Zým, qolda bar áleýmettik jelilerdi qoldanady. Oqýshylar oryndaǵan jumystaryn ustazdarǵa joldaıdy. Olar qatelerin túzetedi. Tipti qolyna qylqalam ustap kórmegen, jasy egde tartqan adamdar da sheberlik saǵattaryna qatysýda. Eresek jastaǵy oqýshylarǵa akademııalyq kásibı kýrstar da ázirlenipti. Al, jasy kishi balaqaılarǵa sáıkesinshe baǵdaramalar jasalyp jatyr. Sebebi, olarmen qashyqtyqtan jumys isteý birqatar qıyndyq týdyratyn kórinedi.
Kókshetaý qalasy