AQSh Sırııanyń oppozısııalyq jasaqtaryn qarýdyń keıbir túrlerimen qamtamasyz etýde. Bul týraly Vashıngtonda ótken baspasóz konferensııasynda Sırııanyń oppozısııa men revolıýsııalyq kúshteri ulttyq odaǵynyń ókili Halıd Salehtiń bergen málimetine silteme jasaǵan ITAR-TASS habarlady.
Halıd Saleh ákimshilik pen kongreste kezdesý ótkizip, Amerıka zań shyǵarýshy organdaryn Sırııadaǵy áskerı qımyldardy sanksııalaıtyn qarardy maquldaýǵa shaqyrmaqshy.
Budan buryn AQSh prezıdenti ákimshiligi Sırııa oppozısııasy arasynda ekstremıstik toptardyń, onyń ishinde «Al-Kaıda» qurylymymen tikeleı baılanystaǵy «Djebhat an-Nýsra» tobynyń sodyrlary kóbeıýine oraı, olarǵa qarý-jaraq jetkizýden bas tartqan bolatyn.
AQSh Sırııa oppozısııasyn tek áskerı emes quraldarmen qamtamasyz etetin. Alaıda, Halıd Salehtiń aıtýy boıynsha, jaqyn aradan bastap olar áskerı qarýdyń keıbir túrlerimen «Sırııa azattyq áskeri» joǵarǵy áskerı uıymyn jabdyqtaýda.
Aıdar О́risbaev.