Sonaý burynǵy ótken dáýirde seleýi terbelgen, saıyn dalanyń bir jigiti jat eldiń arýyna ólerdeı ǵashyq bolypty. Qyz aıtypty: «Men saǵan áıel bolaıyn, biraq 100 túrli shartym bar, sony orynda». Jigit qýana kelisedi. Alǵashqy shartym – deıdi qyz jigitke: bıik jartasqa shyǵyp sekir. Jigit ony oryndap, aıaǵyn syndyrady.
Ekinshi shartym: aıaǵyńdy aqsamaı bas – deıdi, qyz. Ony da oryndaıdy. Sol sııaqty, kıimge sý tıgizbeı ózennen ótý, shapqan atty toqtatý, asaýdy noqta-júgensiz úıretý, keýdesine alma qoıyp qylyshpen shaptyrý, taǵy basqa 99 shartyn múltiksiz oryndaıdy.
Sońǵy jalǵyz shartym – depti qyz: «Endi óz ana tilińdi umyt». Sol sátte jigit kózinen ushqyn shashyp, beldeýdegi tulparyna qarǵyp minedi de, «hosh» dep saǵym oınaǵan sar dalaǵa sińip ketipti.