GiveMeSport portaly fýtbol tarıhyndaǵy tehnıkasy eń keremet oıynshylardyń tizimin jarııalady. Úzdikter kóshin – Dıego Maradona kósh bastap tur.
Bıyl kúzde 60 jasqa tolǵaly otyrǵan aıtýly azamattyń óte keremet fýtbolshy bolǵany esh daý týǵyzbaıdy. 1986 jyly Meksıkada ótken fýtbol toıynda juldyzy jarqyraı janǵan Maradona Argentınanyń álem chempıony atanýyna súbeli úles qosty. Sol jarystyń eń úzdik oıynshysy ataǵy dáp sol jigitke buıyrdy. 1990 jyly Italııada bul komanda kúmis medaldi ıelendi. 1977-1994 jyldar aralyǵynda Argentına quramasynyń namysyn qorǵaǵan ol 91 oıyn ótkizip, 34 gol soqty. Kezinde túrli klýbtardyń sapynda óner kórsetken Dıego Italııanyń «Napolıiniń» baǵyn ashty. Buryndary ortań qol komanda sanalaǵan olar Maradonanyń kelýimen kóptegen bıik belsterdi baǵyndyrdy. Argentınalyqtyń myqtylyǵy sonshalyq, HH ǵasyrdyń eń úzdik fýtbolshylary tiziminde ol aty ańyzǵa aınalǵan Pelemen qatar tur.
Tarıhtaǵy tehnıkasy eń keremet fýtbolshylardyń tiziminde Dıego Maradonanadan keıin satylarǵa myna oıynshylar jaıǵasty: Ronaldınıý, Iohan Kroıff, Zınedın Zıdan, Lıonel Messı, Djordj Best, Terrı Anrı, Andres Inesta, Andrea Pırlo jáne Havı