Sońǵy kúnderdegi jeldeı esken beıresmı aqparattar shyndyqqa aınalyp, Almaty qalalyq qoǵamdyq densaýlyq saqtaý basqarmasy basshylyǵy aýysyp tyndy. Buǵan deıin Densaýlyq saqtaý vıse-mınıstri syndy laýazymdy qyzmet atqarǵan Kamaljan Nadyrov Almaty qalasyna Bas dáriger bolyp keldi.
Kamaljan Nadyrov 1983 jyly Almaty qalasynda dúnıege kelgen. S.J.Asfendııarov atyndaǵy Qazaq memlekettik medısına ýnıversıtetin, Turan ýnıversıtetin, Qoǵamdyq densaýlyq saqtaý joǵary mektebin támamdaǵan.
Ár jyldary Duke University, «The Fuqua School of Business» (AQSh), «Parkway College» (Sıngapýr), «Florence Nightingale» (Túrkııa) klınıkalar tobynda jáne «Oxford «Social Health Insurance system» (Germanııa) bil alǵan.
2007-2014 jyldary B.O.Jarbosynov atyndaǵy Ýrologııa ǵylymı ortalyǵynda klınıka ordınatory, bólim meńgerýshisi, bas dırektordyń orynbasary qyzmetterin atqardy.
Densaýlyq saqtaý mınıstrliginiń qurylymynda 2014 jyldan beri jumys isteıdi. Sondaı-aq, Medısınalyq qyzmetterdi standarttaý departamenti dırektorynyń orynbasary qyzmetin atqardy.
2016-2017 jyldar aralyǵynda Respýblıkalyq dıagnostıkalyq ortalyǵyn basqardy – «University Medical Center» fılıalynyń dırektory boldy.
2017-2018 jyldary – Astana qalasynyń Densaýlyq saqtaý basqarmasynyń basshysy boldy.
Al 2018 jylǵy naýryzdan 2019 jylǵy naýryzǵa deıin Astana qalasy Qoǵamdyq densaýlyq saqtaý basqarmasynyń basshysy qyzmetin atqardy.
2019 jylǵy naýryzdan bastap qazirgi tańǵa deıin Densaýlyq saqtaý vıse-mınıstri laýazymyn atqardy.