Munaı óńdeý zaýyttary jumysyn toqtatqan joq

Qazaqstanda munaı óńdeýmen tórt zaýyt aınalysady. Olar: Aty­raý munaı óńdeý zaýyty, Pav­lodar munaı-hımııa zaýyty, «Pet­ro­Qazaqstan Oıl Prodakts» JShS, sondaı-aq «CASPI BITUM» bıtým zaýyty.

– 2020 jylǵy sáýir aıynda munaı ónimderiniń negizgi túr­lerine suranys aıtarlyqtaı tómen­­dedi. Atap aıtqanda, avto­ben­­zın men dızel otynyna sura­nys 40%-ǵa, al avıasııalyq otyn­ǵa 70%-ǵa azaıdy. Bul mu­naı óń­deý zaýyttaryna munaı jet­­k­i­zý­shilerden kelip túsetin óti­­nim­­der dınamıkasyna jasalǵan taldaý­dyń nátıjesi boıynsha rasta­lyp otyr, – dep habarlady ult­tyq kom­panııanyń baspasóz qyzmeti.

Qoımalarda munaı ónimderiniń shamadan tys jınalyp qalýyn boldyrmaý úshin Atyraý, Pavlodar jáne Shymkent MО́Z-derinde óńdeý qarqyny kólemderi eń tómen deńgeıge deıin azaıtylyp, zaýyttar jumysy úzdiksiz jalǵasýda.

Koronavırýs pandemııasyna baılanysty naýryzdyń 15-nen bastap zaýyttarda arnaıy shtabtar jumys isteýdi bastaǵanyn aıta keteıik. Shtabtar jumysty Ulttyq kompanııanyń ortalyq shtabymen kún saıyn úılestirip otyrady. Bul týraly «QazMunaıGazdyń» bas­­pasóz qyzmeti:

– Indettiń aldyn alý boıynsha arnaıy sharalar qabyldandy. Atap aıtqanda, ákimshilik jáne óndiristik nysandarda sanı­tar­­lyq-dezınfeksııalyq jáne baqy­laý-ótkizý tártipteri kúsheı­tildi. Kásiporyndarda ákimshi­lik qyz­met­kerlerdiń 70%-y qashyq­tan jumys isteý rejimine kóshti. Zaýyt qyzmetkerlerine qurylym­dyq bólimsheler arasynda júrip-turýǵa shekteý qoıyldy. Qyzmet­kerlerdiń densaýlyǵyn qadaǵalaý boıynsha kúndelikti monıtorıng júrgiziledi, úı-jaılar men ǵımarattarda, kólik quraldaryna jáne zaýyttarǵa tıesili aımaq­tarda tazalyq jumystary únemi atqarylyp turady, – deıdi.

«QazMunaıGaz» zaýyttardy keminde 2 aıǵa jetetindeı mól­­­sherde sýmen, azyq-túlikpen, birin­shi kezektegi asa qajet taýar­lar­men, jeke qorǵanysh quralda­ry­men qamtamasyz etýde. Bar­lyq ju­mys­shylarǵa jeke qor­ǵanysh qural­dary – medısınalyq maska, nıt­rıl qolǵaptary, bak­te­rııaǵa qarsy quraldar berilgen.