Aýyl sharýashylyǵy mınıstri Saparhan Omarov Aqmola oblysyna jumys sapary barysynda oblys ákimi Ermek Marjyqpaevpen birge aýyl sharýashylyǵy taýaryn óndirýshilerdiń blok-beketterden kedergisiz ótýin, aımaqtaǵy kóktemgi egis jumystarynyń júrgizilý barysyn tekserdi. Bul týraly AShM baspasóz qyzmeti habarlady.
Oblys ákiminiń aıtýynsha, aýyl sharýashylyǵy tehnıkasynyń úzdiksiz qozǵalysyn qamtamasyz etý, sondaı-aq tuqymdy, janar-jaǵarmaı men qosalqy bólshekterdi jetkizý úshin oblysta arnaıy «qozǵalys algorıtmi» ázirlengen.
Blok-beketterdegi keptelisti boldyrmaý úshin jaýapty mekemeler sharýalarǵa ótinimdi toltyrýǵa jáne ol tizimdi ókiletti organdarǵa berýge kómek kórsetedi.
Sondaı-aq aýyl sharýashylyǵy tehnıkalaryn jóndeý men qyzmet kórsetýdi, tuqymdyq materıaldy, JJM, aýyl sharýashylyǵy tehnıkalary úshin qosalqy bólshekterdi, tyńaıtqyshtardy, ósimdikterdi hımııalyq qorǵaý quraldaryn, veterınarııalyq preparattardy jáne bıologııalyq materıaldyń synamalaryn jetkizýdi júzege asyratyn otandyq jáne sheteldik kompanııalardyń kólikteriniń «jasyl dáliz» arqyly júrýi uıymdastyrylǵan.
Jergilikti jerlerde kóktemgi egis jumystaryna qyzmetkerlerdi ortalyqtandyrylǵan túrde biryńǵaı jetkizý máseleleri sheshilýde.
Oblys ákimi Ermek Marjyqpaevtyń aıtýynsha, aǵymdaǵy jyly aımaqta 4,9 mln gektarǵa jýyq alqapqa jazdyq egin egý josparlanǵan. Onyń 4 mln 438 myń gektaryna burshaqty jáne dándi daqyldardy sebiledi. Bul rette 3 mln 734 myń gektar nemese egis alqabynyń barlyq kóleminiń 77 paıyzyna óńirdiń negizgi azyq-túligi - jazdyq bıdaı egiledi. Jergilikti atqarýshy organdar bıdaı alańy aıtarlyqtaı keńeıip, 2019 jylǵa qaraǵanda 150 myń gektarǵa artyq egiledi.
700 myń gektardan astam jerge - arpa, suly, jasymyq jáne burshaq egiledi. Maıly daqyldardy 254 myń gektarǵa (2019 jylǵa qaraǵanda 600-ge artyq), azyqtyq shópti 181 myń gektarǵa (3 myńǵa jýyq artyq) ornalastyrý josparlanýda, kartop jáne kókónis alqabyn 2 myń gektardan 20 myńǵa deıin keńeıtedi.
О́ńirde kóktemgi egis naýqanyna daıyndyq belsendi júrgizilýde, búginde tuqym, tyńaıtqyshtar men tehnıka tolyǵymen daıyn.
Jumys sapary barysynda mınıstr S.Omarov Aqmola oblysynyń birqatar fermerlik sharýashylyqtaryn, atap aıtqanda Aqkól aýdanynda – «Eńbek» JShS, Býrabaı aýdanynda – «Abdrahmanov» JK jáne «Jýravlevka-1» JShS aralady.
«Eńbek» JShS-de bıdaı, arpa, jasymyq, qaraqumyq, burshaq, júgeri, zyǵyr jáne túrli azyqtyq daqyldar egetin 32 myń gektarǵa jýyq alqap, «QazAgro» qarjylyq qoldaýymen satyp alynǵan «PETKUS» tuqymdy keptirý qýatty kesheni bar.
Osy jyly seriktestik 13 myń gektarǵa, onyń ishinde 11,6 myń gektarǵa dándi jáne burshaqty daqyldar, 100 gektarǵa maıly daqyldar, 1 200 gektarǵa azyqtyq daqyldaryn egýdi josparlap otyr.
«Jýravlevka-1» JShS dándi-burshaqty jáne maıly daqyldardy ósiredi. О́tken jyly munda 34 myń tonnadan astam ónim alyndy.
Sharýashylyqta 54 myń gektar jer bar, onyń ishinde 40 myń gektardan astam egistik alqaby. Aǵymdaǵy jyly seriktestik 31 myń gektardan astam jerge, onyń ishinde 7,7 myń ga – bıdaı, 12,8 myń ga – arpa, 5,8 myń ga – raps, 4,4 myń ga – zyǵyr egýdi josparlap otyr.
Búgingi tańda kompanııa egis jumystaryn júrgizýge tolyq daıyn.