Oblys ákiminiń orynbasary Baqytgúl Hamenova №2 Atyraý oblystyq aýrýhanasyndaǵy ınfeksııalyq stasıonardyń jumysymen tanysty.
– Oblys ákiminiń tapsyrmasyna sáıkes, dárigerlerdi «Shaǵala» qonaqúıine ornalastyrýǵa sheshim qabyldandy. Bul olarǵa qolaıly jaǵdaı jasaý maqsatynda qolǵa alynyp otyr. Munda 200 medısınalyq qyzmetkerge oryn bar. Medısına qyzmetkerleri COVID-19 ınfeksııasyna qarsy kúreste kún saıyn naýqastarǵa kómek kórsetý úshin aıanbaı eńbek etýde. Bizdiń mindetimiz – olarǵa qıyn kezekshilikten keıin jaqsy jaǵdaıda demalýǵa múmkindik jasaý, - dedi Baqytgúl Hamenova.
«Shaǵala» qonaqúıindegi jaıly oryndarǵa 60-tan astam dáriger men juqpaly aýrýlar aýrýhanasynyń medbıkeleri, oblystyq aýrýhananyń 70-ke jýyq medısınalyq qyzmetkeri ornalasady. Sondaı-aq, aq halattylarǵa «Dana» jáne «Prestıj» qonaqúılerinen de qosymsha oryndar daıyndalǵan.
– Naýqastarmen baılanysta bolatyn dárigerlerdiń qaýipsizdigi úshin aýrýhana ǵımaratyn taza jáne las aımaqtarǵa bólý qajet. Beınebaqylaýdy qamtamasyz etý maqsatynda óńir aýrýhanalarynda 100-ge jýyq kamera ornatylǵan. Basty talap – kameralar sanyn arttyrý. Sondaı-aq, respýblıkalyq bas sanıtarlyq dárigeriniń qaýlysyna sáıkes epıdemıologııalyq jaǵdaıdy turaqtandyrý úshin basqa da baǵyttardy kúsheıtý qajet, - dedi Baqytgúl Hamenova.
Onyń aıtýynsha, Prezıdenttiń tapsyrmasyna sáıkes medısına qyzmetkerlerin qoldaý Atyraý oblysynda da júzege asyrylýda. Koronavırýs ınfeksııasyn juqtyrǵandardy emdep jatqan barlyq dáriger ústemaqyny tolyq kólemde aldy.
Joldasbek Kósherbaıuly