Búgin Jitiqarada 5, Qostanaı qalasynda 2 adamnan COVID-19 vırýsy anyqtalǵany belgili boldy. Jitiqarada indet juqtyrǵan 5 naýqastyń eń jasy 34-te, úlkeni 62 jasta. Barlyǵy er adamdar. Olar ózderine deıin indetke shaldyqqan adamdarmen baılanysta bolǵan. Qazir naýqastar aýrýhanaǵa jatqyzylyp, bekitilgen hattamaǵa saı tıisti emdeý sharalaryn alyp jatyr.
Sonymen qatar, Qostanaıdaǵy oblystyq balalar aýrýhanasynyń provızorlyq bólimine tórt balasymen birge 1985 jyly týǵan áıel tústi. Azamatsha Reseıden kelgen. Shekarada termometrııadan ótkende onyń qyzýy kóterilip turǵany belgili bolǵan. Osylaısha jolaýshy áıel bala-shaǵasymen birge jedel járdemmen Qostanaıǵa jetkizilip, provızorlyq bólimge jatqyzylǵan. Onyń COVID-19 juqtyrǵany búgin rastaldy.
Sonymen qatar, Qostanaı qalasynda turatyn 37 jastaǵy áıeldiń koronavırýs juqtyrǵany anyqtaldy.
Jalpy 22 sáýirdegi jaǵdaı boıynsha oblysta COVID-19 indetin juqtyrǵandar sany 34-ke jetip otyr.
Qostanaı oblysy