QR densaýlyq saqtaý mınıstriniń buıryǵymen Tımýr Slamjanuly Sultanǵazıev QR Densaýlyq saqtaý mınıstrliginiń Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy laýazymyna taǵaıyndaldy.
Tımýr Sultanǵazıev 1982 jyly Almaty oblysynda dúnıege kelgen. Qazaq ulttyq medısına ýnıversıtetin, AQSh-ta Tıýleın ýnıversıtetin támamdaǵan.
Eńbek jolyn 2006 jyly Astana qalasyndaǵy №1 qalypty anatomııa kafedrasynyń laboranty bolyp bastaǵan.
2010 jyly «Respýblıkalyq jedel medısınalyq járdem ǵylymı ortalyǵy» AQ-da jumys istegen.
2010 jyldan bastap 2013 jylǵa deıin «Ulttyq medısına holdıngi» AQ-da Innovasııalar jáne tehnologııalar transferti departamentinde menedjer, bas menedjer jáne dırektor bolyp eńbek etken.
2013 jyldan 2014 jylǵa deıin «Medısınalyq tehnologııalar men aqparattyq júıeler ortalyǵy» AQ prezıdenti boldy.
2014 jyldan 2016 jylǵa deıin «Medıker» JShS bas dırektorynyń orynbasary bolyp jumys istedi.
2016-2018 jj. QR Densaýlyq saqtaý jáne áleýmettik damý mınıstrliginiń qurylymynda túrli qyzmetterdi atqardy.
2018 jyldan qazirge deıin Soltústik Qazaqstan oblysy ákimdiginiń Densaýlyq saqtaý basqarmasynyń basshysy qyzmetin atqardy.