Keshe shahmattan júlde qory 250 myń AQSh dollaryn quraǵan «Magnus Carlsen Invitational» onlaın-týrnırniń úshinshi týry aıaqtaldy.
Jarystyń keshki baǵdarlamada eki kezdesý oınaldy. Bul básekelerde fransııalyq Maksım Vashe-Lagrav qytaılyq Lıjen Dınge 2:3 esebimen ese jiberdi. Al nıderlandtyq Anısh Gırı reseılik Iаn Nepomnıashııden utyldy – 1,5:2,5.
Kúndizgi baǵdarlamada norvegııalyq Magnýs Karlsen amerıkalyq Fabıano Karýanany qapy qaldyrdy – 3:1. Kelesi oıynda AQSh-tyń taǵy bir ókili Hıkarý Nakamýra ırandyq Álıreza Fırýdjadan aılasyn asyrdy – 3,5:0,5.
Qazirgi kezde Magnýs Karlsen jarys kestesinde jeke-dara kósh bastady. Onyń enshisinde 8 upaı bar. Ekinshi orynda – Hıkarý Nakamýra. Ol 7 upaıdy oljalap otyr. О́zge shahmatshylardyń nátıjeleri mynadaı: Dınde – 6, Vashe-Lagrav, Nepomnıashıı, Karýanada – 5 jáne Fırýja men Gırıde – 0 upaıdan.