Keshe, 23 sáýirde 15.15 kezinde Almatyda Bostandyq aýdanynyń turǵynynan Ermensaı shaǵyn aýdanynan joǵary, taýdyń batys baýraıynda qurǵaq shóp janyp jatqany týraly habarlama kelip túsken edi.
Almaty qalalyq TJD-nyń arnaıy jasaǵy aldyn ala ázirlengen tabıǵı órtterge qarsy turýǵa jospary boıynsha jiberildi. Jeldi aýa raıyna baılanysty saıajaı úıleri men alma baǵyna qaraı taralý qaýpi týyndady (20 GA).
О́rt sóndirýshelire barynsha saıajaı alqabyn qorǵaýǵa umtyldy. Barlyq kúsh jumyldyrylyp, órt 16 saǵat 32 mınýtta basyldy. Biraq, 0,8 gektar alań órtenip ketti. Tilsiz jaýdy tizgindeýge TJD-nen 39 adam jeke quram, 7 birlik tehnıka jumyldyryldy. Qazirgi ýaqytta órttiń qaıta taralý qaýpi joq.
О́rttiń shyǵýyna kináli adam– Bostandyq aýdanynyń turǵyny ekeni anyqtaldy. Jeke úıde turatyn 1977 jyly týǵan azamat taý bókterindegi órttiń shyǵýyna kináli ekeni belgili boldy. Ol óz kinásin moıyndady, 23 sáýirde jeke ýchaskesinde qorshaý ornatqanyn túsindirdi. Metaldy kesý úshin elektrli «Bolgarka» qurylǵyny qoldanǵandyqtan ushqyn qurǵaq shópterge túsip, 0,8 ga jerdi jalmaǵan órttiń shyǵýyna sebep bolǵan. Alaıda, onyń tarapynan eshqandaı shara qabyldanbaǵan! О́rt sóndirý bólimin basqa adamdar shaqyrǵan.
О́rt tez arada úlken aýmaqqa jaıylyp, qatty soqqan jelden joǵary betkeıge taralyp ketedi. Kók jalynnyń saıabaqtaǵy úıler men 20 GA aýmaqtaǵy alma baǵyna ótý qaýpi týyndady. О́rt sóndirýshiler órttiń taralýyna jol bermeı, jedel arada sóndirip úlgerdi.
TJ Departamentiniń qyzmetkerlerimen kináli tulǵa Qazaqstan Respýblıkasynyń Ákimshilik quqyq buzýshylyq týraly kodeksiniń 410 babynyń 1 bólimi boıynsha ákimshilik jaýapkershilikke tartylýda.