Qala ákiminiń tapsyrmasyna sáıkes 1 mamyrdan bastap «Astana Energııa» AQ qyzmetkerleriniń eńbekaqysy 10%-ke ósedi. Sáýir aıynda qyzmetkerlerge syıaqy berildi. Bul týraly elorda ákimdiginiń baspasóz qyzmeti habarlady.
«Elimizdiń astanasy álemdegi eń sýyq astanalardyń qataryna jatady. Nur-Sultan qalasynyń turǵyn úıleri men ǵımarattaryn, áleýmettik nysandaryn jylýmen qamtamasyz etýge atsalystyńyzdar. Qys mezgili árdaıym synaq. Qala men halyq sanynyń ósý qarqynyn eskere otyryp, energııa kózderine túsetin júkteme de artady. Qazir JEO-1 men JEO-2 gazǵa kóshirýmen, JEO-3 qurylysymen aınalysyp jatyrmyz. Bul jumystar kelesi jylytý maýsymynda da úılerge dál osylaı úzdiksiz jylý berýge kómektesedi. Eńbekterińizdi joǵary baǵalaımyz. Jylytý maýsymynyń aıaqtalýyna oraı, atqarǵan qajyrly eńbekterińiz úshin alǵysymdy bildiremin!» - dedi Altaı Kólginov.
Sondaı-aq elorda ákimi JEO-1 jáne JEO-2 gazǵa kóshirý jumystarynyń barysymen tanysyp, aldaǵy jylytý maýsymynda jylý elektr ortalyqtary qalany gazben jylytýǵa daıyn bolý kerektigin aıtty.