Densaýlyq saqtaý mınıstriniń tapsyrmasy boıynsha Qazaqstannyń barlyq óńirinde Densaýlyq saqtaý basqarmalary janynan koronavırýsty juqtyrǵan naýqastardyń ólim jaǵdaıyn zertteý jónindegi komıssııalar quryldy.
Komıssııa naýqas óliminiń tikeleı sebepterin anyqtaý úshin medısınalyq qujattamaǵa taldaý júrgizedi.
«Arqalyqta úıinde qaıtys bolǵan 84 jastaǵy naýqasqa qatysty taldaý jumystary 27 sáýir júrgiziledi. Komıssııa jumysynyń qorytyndysy boıynsha naýqas óliminiń tikeleı sebebi anyqtalady. Búginde naýqas týraly barlyq qajetti medısınalyq qujattar Arqalyq qalalyq emhanasynan jáne oblystyq jedel járdem qyzmetinen suratylǵan.Taldaý nátıjeleri keıinirek qosymsha jarııalanady» delingen habarlamada.