Shymkenttik kásipker aýyzashar ornyna turǵyndarǵa azyq-túlik jıyntyǵyn úlestirdi. «Raimbek & company» JShS-niń dırektory Baýyrjan Anarbekov dástúrli aýyzashardyń ornyna koronavırýstyń kesirinen qıyn jaǵdaıǵa tap bolǵan 500 otbasyna azyq-túlik sebetterin úlestirdi.
«Bıyl oraza aıy qıyn ýaqytqa tústi. Men Elbasynyń úndeýi men qala ákiminiń úndeýine qoldaý kórsetip, búginde muqtaj jandarǵa kómektesýdi jón kórdim. Dástúr boıynsha, oraza kezinde kópshilik adam aýyz ashar jasaıdy. Men oılaımyn, nege bıyl aýyzashardy osyndaı kómekke almastyrmasqa? Meniń oıymsha, bul áldeqaıda mańyzdy, óıtkeni álemniń barlyq dinderinde kómekke muqtaj adamdarǵa árqashan kómek kórsetýge, qoldaýǵa shaqyrady. Men barsha azamattardy bul bastamany qoldaýǵa shaqyramyn. Búginde elimizde qanshama túrli chellendjder bar. Bul jaqsylyq chellendjiniń bastamasy bolsyn»,- dedi Baýyrjan Anarbekov.
Kásipkerdiń bastamasyn qoldaǵan «Shymkent dobrıakov klýby», Jastar resýrstyq ortalyǵynyń «Jastar volonterler lıgasy» men jýrnalıster, sondaı-aq ákimdik pen «Regıon» taksı parkiniń qyzmetkerleri azyq-túlikti jetkizip berý isinde belsendilik tanytty.
Shymkent