Búgin Almaty qalalyq О́ńirlik kommýnıkasııalar alańynda ótken brıfıngte qala turǵyndaryna óz saıajaılaryna, onyń ishinde Almaty oblysynda ornalasqan saıajaılaryna barýǵa ruqsat etilgeni týraly habarlandy.
Ol úshin eshqandaı qosymsha ótinish berýdiń qajeti joq.
Sonymen, saıajaıǵa barý úshin qala turǵyndary kelesi erejelerdi saqtaýy kerek:
– saıajaı menshigin rastaıtyn zańdy qujat pen óziniń jáne 2 adamnan aspaıtyn ilesýshiniń jeke kýáligin kórsetý;
– saıajaıǵa barar jolda mindetti túrde medısınalyq betperde taǵý, qol óńdeýge arnalǵan antıseptık bolýy qajet;
– asa qajettiliksiz saıajaı aýmaǵynan shyǵýǵa bolmaıdy;
– saıajaı aýmaǵyna kórshiler men qonaq kirgizýge tyıym salynady;
– bir otbasynan bolmaǵan jaǵdaıda, 3 adamnan artyq toptalýǵa bolmaıdy.
Osy oraıda, jasy 65-ten asqan almatylyqtarǵa úıde bolýǵa kezekti ret keńes berildi.
Osy erejelerdi ázirleý kezinde qala bıligi saıajaıǵa barýǵa ruqsat suraıtyndardyń basym bóligi elektrondy ótinish berýge qınalatyn egde jastaǵy azamattar ekendigin eskergenin aıta ketý qajet. Sondyqtan Jedel shtab saıajaıǵa baratyn azamattardyń júrip-turýyn meılinshe jeńildetýge tyrysqan.
Endi almatylyqtar tek saıajaıynyń bar ekendigin rastaıtyn qujat pen jeke kýáligin kórsetse jetkilikti.
Sonymen qatar saıajaılardyń maqsatqa sáıkes paıdalanylýy ishinara tekseriletindigin eskertildi.