*Almatyda negizgi kapıtalǵa salynǵan qarjy 260 mlrd. teńgeden asty. Onyń 2013 jylǵy qańtar-tamyz aılaryndaǵy kólemi naqty 263 688,2 mln. teńgege jetti. Bul – ótken jyldyń sáıkes kezeńinen 0,2 paıyzǵa artyq.
*Almatyda negizgi kapıtalǵa salynǵan qarjy 260 mlrd. teńgeden asty. Onyń 2013 jylǵy qańtar-tamyz aılaryndaǵy kólemi naqty 263 688,2 mln. teńgege jetti. Bul – ótken jyldyń sáıkes kezeńinen 0,2 paıyzǵa artyq.
*Soltústik Qazaqstanda astyq jınaýǵa 10 myńǵa jýyq kombaın tartyldy. Oblystyq aýyl sharýashylyǵy basqarmasynyń bastyǵy Serikbaı Turalınovtyń aıtýynsha, 16 qyrkúıekke deıin 2071 myń gektar jerdiń astyǵy orylǵan. Munyń ózi barlyq alqaptyń 58 paıyzyn quraıdy.
*Keler jyly ońtústik astanada Qazaqstan-Sorbonna fransýz ýnıversıteti ashylady. Keshe Almatyda Abaı atyndaǵy Qazaq Ulttyq pedagogıkalyq ýnıversıtetiniń rektory Serik Pirálıev pen Sorbonna ýnıversıtetiniń prezıdenti Jan-Fransýa Jırar osyny rastaǵan memorandýmǵa qol qoıdy.
*Aqtaýda «Aktau Opel Fest» festıvali márege jetti. Elimizdiń barlyq óńirlerinen sportshylar men ánshiler qatysqan sharanyń sońynda Mańǵystaý oblysynyń ákimi Alık Aıdarbaev halyqtyń kóńilin kótergenderi úshin ony uıymdastyrýshylarǵa alǵys aıtty.
*Oraldaǵy oblystyq qazaq drama teatry janyna qobyzǵa eskertkish qoıyldy. Buryn sýburqaq turǵan jerge qonys tepken tastuǵyr endi qalanyń qasıetti mekenderiniń birine aınaldy.
*Semeıde 2016 jylǵa deıin kóliktik-logıstıkalyq ortalyq salynady. Sol kezde keshen arqyly jylyna 11,5 mln. tonna júk tasymaldanady. Ony qurýdaǵy basty maqsat tek júkterdi óńdeý ǵana emes, sondaı-aq kedendik rásimdeý bolyp otyr.
*Ońtústiktegi Saıram aýdanynyń «ELNUR» telearnasy efırge qaıta shyqty. On jylǵa jýyq tarıhy bar kompanııa jýyrda ǵımaraty órtenip ketkennen keıin jumysyn toqtatyp edi. Endi onyń qyzmetkerleri «Nur Otan» partııasy ǵımaratynyń májilis zalyna ýaqytsha ornalasty.
«QazAqparat», «Qazaqstan jańalyqtary», Bnews.kz, TengriNews, EgemenNews habarlary boıynsha daıyndaldy.