Polısııa departamenti kólik júrgizýshilerine qala joldarynda keptelis boldyrmaý úshin jol júrý marshrýtyn aldyn-ala josparlaýǵa keńes beredi, dep habarlady Nur-Sultan qalasy ákimdiginiń baspasóz qyzmeti.
Nur-Sultan qalasy polısııa departamentiniń baspasóz qyzmeti habaralaǵandaı, 29 sáýir men 10 mamyr aralyǵynda Daýylpaz kóshesinen Elim-aı kóshesine deıingi aımaqtaǵy káriz júıesiniń magıstraldi kollektorynyń qurylysyna baılanysty B.Momyshuly dańǵyly men A.Toqpanov kóshesiniń qıylysynda eki baǵytta kólik qozǵalysy toqtatylady. «Kólik qozǵalysy ýaqytsha jabyq aımaqqa tıisti jol belgilerin qoıý arqyly aınalma jolmen uıymdastyrylady», - delingen baspasóz habarlamasynda. Bul ýchaskedegi kólik jyldamdyǵy saǵatyna 40 km-ge deıin shektelgen. Qalalyq polısııa departamenti kólik júrgizýshilerine qala joldarynda keptelis bolmaýy úshin jol júrý marshrýtyn aldyn-ala josparlaýdy eskertedi.