«Azamattyq alańy» pikirtalas ortalyǵynda «Pandemııa jáne sanadaǵy ózgeris» taqyrybynda ótken tikeleı efır barysynda belgili saıasattanýshy Saıasat Nurbek pandemııa qoǵamǵa kóptegen ózgerister alyp kelgenin aıtty.
Eń bastysy jumys istemeıtin, tıimsiz baǵdarlamalardy aıqyndap, qarjyny únemdeýge múmkindik beretin tetikterdi de sanamalap berdi. S. Nurbek sondaı-aq eń basty ógeris retinde – merıtokratııany atady. Qoǵamda adamdar materıaldyq jaǵdaıyna qaraı emes, qabiletine qaraı teńesti. Ekinshiden bul jaǵdaılar elimizdegi tıimsiz, kereksiz, jumys istemeıtin qaǵıdattardy, baǵdarlamalardy áshkereledi. Úshinshiden bul jaǵdaılar reformalar, jańalyqtar engizýge óte jaqsy múmkindik týǵyzyp otyr. «Pandemııa kópshiliktiń kózin ashty. Osy múmkindikti biz paıdalana alamyz ba? Eń úlken suraq osy», – dedi saıasattanýshy.
Sonymen qatar Saıasat Nurbek 191 myń memleket onlaın bilim berýge kóshkenin, ózgeriske tek Qytaı ǵana daıyn bolǵanyn aıtty. Alaıda oǵan Qytaıdan basqa eshbir memleket daıyn bolǵan joq. Qytaı az ǵana ýaqytta 180 mln oqýshyǵa 7, 5 myń server ázirlep, osy oqýshylardyń barlyǵy onlaın bilim alyp jatqanyn aıtyp berdi. Sonymen qatar dúnıejúzinde sıfrlik saýattylyqtyń deńgeıi de álem aldynda aıqyndalyp qaldy. «2018 jyly álemde 14 jastaǵy oqýshylar arasynda halyqaralyq sıfrlyq saýattylyq boıynsha zertteý júrgizilgen. Elimiz sol reıtıngtiń sońynan tabyldy. О́kinishke qaraı, ol bizdiń oqýshylarymyzdyń, balalarymyzdyń sıfrlyq saýattylyǵynyń tómen ekenin kórsetti», – dedi BTS Digital bilim berý jobasynyń jetekshisi Saıasat Nurbek.