16 naýryzda qazaqstandyq jas jazýshylar men aqyndarǵa arnalǵan Prezıdenttik arnaýly ádebı syılyqqa úmitkerlerden ótinim qabyldaý bastalady, dep habarlaıdy Egemen.kz Mádenıet jáne aqparat mınıstrliginiń baspasóz qyzmetine silteme jasap.
Syılyq jas qalamgerlerge memlekettik qoldaý kórsetý, daryndy aqyn-jazýshylardyń jańa býynyn qalyptastyrý maqsatynda bıyl tórtinshi ret taǵaıyndalyp otyr.
Ádebı syılyqqa 18-35 jas aralyǵyndaǵy qalamgerler buryn halyqaralyq jáne ulttyq baıqaýlarǵa qatyspaǵan týyndylarymen úmitker bola alady.
О́tinim «Proza», «Poezııa», «Dramatýrgııa» jáne «Balalar ádebıeti» nomınasııalary boıynsha qabyldanady. Avtor tek bir nomınasııaǵa ǵana ótinim joldaýy tıis.
О́tinimdi 2026 jylǵy 16 naýryz ben 16 maýsym aralyǵynda qaǵaz jáne elektrondy túrde kelesi mekenjaıǵa joldaý qajet: Astana qalasy, Máńgilik El dańǵyly, 8, 14 kireberis, QR MAM Arhıv, qujattama jáne kitap isi komıteti, 273 kabınet.
Aıta keteıik, Astanada Memleket basshysynyń bastamasymen taǵaıyndalǵan Prezıdenttik arnaýly ádebı syılyq pen «Aıboz – 2025» ulttyq ádebı baıqaýy laýreattaryn marapattaý rásimi ótti.