Memleket basshysy Qasym-Jomart Toqaev bıatlonshy Erbol Hamıtovty Italııada ótip jatqan qysqy Paralımpıada oıyndarynyń jeńimpazy atanýymen quttyqtady, dep habarlaıdy Egemen.kz Aqordanyń baspasóz qyzmetine silteme jasap.
Prezıdent sportshynyń tabandy eńbek pen erik-jigerdiń arqasynda qıyn joldy eńserip, keremet jetistikke qol jetkizgenin atap ótti. Bul – shynaıy qurmetke laıyq.
Qazaqstan qurama komandasynyń tý ustaýshysy buǵan deıin shańǵy jarysynan Paralımpıadanyń qola júldegeri atanǵan bolatyn.
Qasym-Jomart Toqaev Erbol Hamıtovke jarqyn jeńis, qajymas qaırat jáne zor densaýlyq tiledi.
Erbol Hamıtov Italııada ótip jatqan qysqy Paralımpıada oıyndarynda alǵashqy altyn medalin jeńip aldy. Ol otyryp jarysatyn para bıatlon boıynsha 4,5 shaqyrym qashyqtyqtaǵy jarysta jeńiske jetti.
Aıta keteıik, Mılan-Kortına-2026 XIV qysqy Paralımpıada oıyndary 6-15 naýryz aralyǵynda ótedi. Dúbirli dodada para shańǵy jarysy, para bıatlon, arbadaǵy kerlıng, para snoýbord, taý shańǵysy jáne para hokkeı sport túrleri boıynsha 79 medal jıyntyǵyn sarapqa salady.