Almatyda respýblıkalyq referendým qarsańynda Táýelsiz baıqaýshylardyń aqparattyq shtabynyń ekinshi brıfıngi ótti. Shtab daýys berý kezeńindegi jumysty úılestirý jáne qoǵamdy jedel aqparattandyrý maqsatynda qurylǵan, dep habarlaıdy Egemen.kz.
Brıfıng barysynda qatysýshylar shtab jumysynyń belsendi kezeńi bastalǵanyn aıtty. Aqparattyq alań 14 naýryzdan bastap jumys istep, referendým ótetin kúni boıy jáne daýys berý qorytyndylary tolyq jarııalanǵanǵa deıin qyzmetin jalǵastyrady.
Naýryznama onkúndigi aıasynda «Referendým – 2026» atty onlaın marafon ótedi
Uıymdastyrýshylardyń aıtýynsha, shtabtyń negizgi mindeti – azamattar men buqaralyq aqparat quraldaryn daýys berý barysy týraly jedel ári obektıvti aqparatpen qamtamasyz etý. Sonymen qatar jalǵan málimetter men feık aqparattardyń taralýynyń aldyn alý úshin aqparattyń shynaıylyǵyn tekserýge erekshe nazar aýdarylady.
Shtab jumysynyń tikeleı translıasııalary Independ.kz YouTube arnasynda kórsetiledi. Al jedel jańalyqtar men anonstar Almaty qalasynyń Qoǵamdyq kommýnıkasııalar ortalyǵynyń resmı áleýmettik jelilerinde jarııalanyp otyrady.
Erlan Qarın: Konstıtýsııalyq reforma – qoǵam birligi men halyq yntymaǵynyń aıǵaǵy
Brıfıngte táýelsiz baqylaýshylar koalısııasynyń quramy da tanystyryldy. Onyń quramyna Almaty qalasynda 2,5 myńnan astam táýelsiz baqylaýshyny biriktiretin alty úkimettik emes uıym kirgen.
Referendým kúni Astana, Almaty jáne Shymkent qalalarynan, sondaı-aq Qazaqstannyń onnan astam óńirinen tikeleı qosylymdar uıymdastyrý josparlanyp otyr. Bul daýys berý barysy týraly jedel ári tolyq aqparat taratýǵa múmkindik beredi.
Ortalyq referendým komıssııasy úgit jumystarynyń qashan aıaqtalatynyn málimdedi
Brıfıngke qatysýshylar azamattardy referendým kezeńinde aqparatqa jaýapkershilikpen qaraýǵa, arandatýshylyqqa ermeýge jáne tek senimdi derekkózderge súıenýge shaqyrdy. Sondaı-aq azamattardyń daýys berýge qatysýy demokratııalyq úderisterdiń mańyzdy bóligi ekeni atap ótildi.