15 naýryzda Qazaqstan azamattary eldiń aldaǵy damý baǵytyna qatysty mańyzdy sheshim qabyldamaq. Referendým qoǵamnyń memleket taǵdyryna tikeleı qatysatyn jaýapty kezeń. Mundaı tarıhı sátterde qoǵam bolashaqqa degen kózqarasyn aıqyndaıdy, dep habarlaıdy Egemen.kz.
О́ıtkeni memlekettiń bolashaǵy tek saıası ınstıtýttar arqyly qalyptaspaıdy. Ol eń aldymen qoǵamnyń sanasynda, bilim júıesinde, urpaq tárbıesinde ornyǵady. Osy turǵydan alǵanda, kez kelgen qoǵamdyq ózgeris bilim berý salasymen de sabaqtas.
Azamattyq jaýapkershilik, memleket týraly, qoǵamdyq qundylyqtardy qabyldaý sııaqty túsinikter mektep qabyrǵasynan bastaý alady. Sondyqtan bilim berý júıesi men oqý ádebıetteriniń sapasy ulttyń ıntellektýaldyq damýy úshin aıryqsha mańyzǵa ıe.
Arman-PV baspasynyń bas dırektory Dıdara Alına bul salada jıyrma bes jyldan astam ýaqyt eńbek etip keledi. Onyń aıtýynsha, qoǵam damýy bilim berý júıesiniń sapasymen jáne oqý ádebıetteriniń mazmunymen tyǵyz baılanysty.
Sońǵy jyldary Qazaqstanda oqýlyqtardyń sapasyna, saraptama rásimderine jáne bilim berý baǵdarlamalarynyń mazmunyna qoıylatyn talaptar aıtarlyqtaı kúsheıdi. Bul óz kezeginde oqý ádebıetterin ázirleý mádenıetiniń jańa deńgeıge kóterilip kele jatqanyn ańǵartady.
Jalǵan aqparattar taraýy múmkin: Mınıstrlik referendým qarsańynda azamattarǵa úndeý jasady
Dıdara Alınanyń pikirinshe, referendým qoǵamnyń azamattyq jaýapkershiligin aıqyndaıtyn mańyzdy ınstıtýttardyń biri.
«Azamattar el taǵdyryna qatysty mańyzdy sheshimderge qatysqanda, qoǵamda jaýapkershilik mádenıeti qalyptasady. Mundaı mádenıet eń aldymen bilim arqyly ornyǵady. Balalar mektepte qandaı bilim alyp, qandaı qundylyqtardy boıyna sińirse, erteń qoǵam da sondaı baǵytta damıdy», deıdi ol.
Búginde Qazaqstanda oqý ádebıeti salasy jańa kezeńge qadam basyp otyr. Oqýlyqtardyń mazmuny jańaryp, saraptama talaptary kúsheıip, sıfrlyq bilim berý platformalary damyp jatyr. Bul bilim berý júıesin zaman talabyna beıimdeý jolyndaǵy mańyzdy qadamdardyń biri. Shyn máninde, qýatty memleket bilimdi, sanaly ári jaýapkershiligi joǵary urpaq arqyly nyǵaıady. Al mundaı urpaqtyń qalyptasýy mektepten bastalady. Sondyqtan qoǵamdaǵy mańyzdy sheshimder men bilim berý júıesiniń damýy ózara tyǵyz baılanysty. Biri memlekettiń strategııalyq baǵytyn aıqyndasa, ekinshisi sol baǵytty jalǵastyratyn jańa býyndy tárbıeleıdi.
Ortalyq referendým komıssııasy úgit jumystarynyń qashan aıaqtalatynyn málimdedi