Atyraýda Sultan Sársemalıvke qatysty aldyn ala sot otyrysy ótip jatyr. Sot prosesinde ol alqabılerdiń qatysýymen isti qaraýdan bas tartty, dep habarlaıdy Egemen.kz.
Sot barysynda sýdıa Zarema Hamıdýllına Sársemalıevke qatysty birneshe bap boıynsha aıyp taǵylǵanyn habarlady. Olardyń qatarynda kisi óltirý, urlyq, qujattardy zańsyz ıemdený jáne alaıaqtyq baptary bar.
Sonymen qatar isti toqtatýǵa negiz bolatyn jaǵdaılar anyqtalmaǵany aıtyldy. Al aldyn ala tyńdaý kezinde taraptar sýdıa quramyna qarsylyq bildirmegen.
Sottalýshy alqabılerdiń qatysýymen isti qaraýdan bas tartqan. Taraptar negizgi sot otyrysyn taǵaıyndaýdy suraǵan.
Nátıjesinde negizgi sot prosesi 28 mamyrǵa belgilenip, ashyq rejımde ótetini belgili boldy.
Sotta prokýror Mıras Baýyrjanov aıyptaý aktisin oqyp, qylmystyń hronologııasyn baıandady.
Al bar kinásin moıyndaǵan Sársemalıev ólim jazasyna da kelisetindigin jetkizdi.