Almaty qalasyndaǵy Abaı ulttyq mektebi 2026-2027 oqý jylyna ótinish pen qujat qabyldaýdy bastady, dep jazady Egemen.kz.
Qazaqstannyń túkpir-túkpirindegi daryndy balalardy tirkeý https://qabyldau.daryn.kz/kz/ saıty arqyly onlaın formatta júrgizilip jatyr.
Tirkeý 15 sáýirde aıaqtalyp, úmitkerler úsh pán boıynsha arnaıy testileýge qatysady. Irikteýden sátti ótken balalar respýblıkalyq mektepte bilim alý múmkindigine ıe bolady.
Qazaqstandyq oqýshylar kóktemgi kanıkýlda 11 kún demalady
Eske salaıyq, Memleket basshysy Qasym-Jomart Toqaevtyń tapsyrmasymen Abaı atyndaǵy respýblıkalyq mamandandyrylǵan daryndy balalarǵa arnalǵan qazaq tili men ádebıetin tereńdetip oqytatyn mektep-ınternaty Abaı ulttyq mektebine transformasııalandy.Transformasııalaý tujyrymdamasy negizine tárbıeleý men oqytý úderisine Abaıdyń «Tolyq adam» konsepsııasy engizildi. Bilim berý úrdisteri ulttyq qundylyqtarmen jáne halyqaralyq ozyq tájirıbelermen úılestiriledi. Munda balalardyń ǵylymǵa qyzyǵýshylyǵyn arttyrýǵa, zamanaýı tehnologııalardy meńgerýine, ulttyq qundylyqtarǵa negizdelgen tárbıe baǵdarlamasy arqyly sport pen shyǵarmashylyqqa baýlýǵa, jan-jaqty damýyna jaǵdaı jasalǵan. Sonymen qatar mektepte birneshe shet tilin meńgerýge bolady. Oqýshylar aǵylshyn tilinen basqa fransýz, qytaı tilderin oqyp úırenedi.
Oqýshylar qalaı tamaqtanady?
О́tken ǵasyrdyń elýinshi jyldary irgetasy qalanǵan bilim ordasy jańa, ozyq ınfraqurylymmen jabdyqtalǵan ǵımaratqa kóshirildi. 900 orynǵa arnalǵan oqý ordasynyń qurylysy 2025 jyldyń naýryz aıynda bastalyp, tamyzda aıaqtaldy. Mektep aýmaǵynda jańa oqýshylar úıi de boı kóterdi.Qazir Abaı ulttyq mektebinde elimizdiń barlyq óńirlerinen iriktelgen 351 oqýshy bilim alyp jatyr. Aldaǵy 2026-2027 oqý jylyna 7-synypqa oqýshylar qabyldanady.