Qyzylorda oblysynda koronavırýs ınfeksııasyn juqtyrǵandar sany 198-ge jetti. Bul týraly óńirlik kommýnıkasııalar qyzmetiniń aqparattyq alańynda oblystyq densaýlyq saqtaý basqarmasynyń basshysy Jaqsylyq Ábdisámetov málimdedi.
- Sońǵy táýlikte oblys ortalyǵynda jańadan 11 jaǵdaı anyqtaldy. Olardyń barlyǵy koronavırýs ınfeksııasyn juqtyrǵandarmen baılanysta bolyp, karantındik baqylaýǵa alynǵandar. Tirkelgen naýqastardyń altaýy medısına salasynyń qyzmetkeri. Qazir naýqastardyń jaǵdaıy birqalypty, emderin hattamaǵa sáıkes alýda, – dedi Jaqsylyq Ábdisámetov.