Búgin Almaty oblysynyń Qapshaǵaı óńirinde COVID-19 indetin juqtyrǵan 13 adam tirkeldi. Olardyń beseýi Qapshaǵaı qalasynyń, altaýy Zarechnyı aýylynyń turǵyndary eken. Al qalǵan ekeýi keshe Atyraýdan jetkizilgen «Teńizshevroıl» seriktestiginiń jumysshysy.
- Aýyrǵandardyń úlkeni 1958 jyly týǵan azamat bolsa, kishisi - 9 aılyq bala. Qapshaǵaı óńirinde indet juqtyrǵandardyń jalpy sany 15 adamǵa jetti. Osyǵan baılanysty Qapshaǵaı qalalyq shtabtyń sheshimimen Zarechnyı ketine búginnen bastap karantın engizildi. Anyqtalǵan naýqastardyń barlyǵy tıisti em alý úshin medısına mamandarynyń baqylaýyna alyndy. Qazirgi kezde olarmen baılanysta bolǵan 187 adam anyqtaldy. Olar qazir oqshaýlanyp, epıdemıologııalyq tekserý júrgizilýde, - dep habarlady Almaty oblysy ákiminiń baspasóz hatshysy Ǵalymurat Júkel.