Ishki ister mınıstrligi qoǵamdyq tártipti qamtamasyz etý baǵytynda júıeli jumys júrgizip keledi. Sonyń ishinde zańsyz aınalymdaǵy qarý-jaraq pen oq-dárilerdi anyqtaý jáne tárkileý sharalary turaqty túrde júzege asyrylyp jatyr, dep habarlaıdy Egemen.kz.
Jyl basynan beri zańsyz aınalymnan ártúrli úlgidegi 580 qarý tárkilendi. Onyń ishinde 63-i – qylmystyq qarý, al 49-y Qańtar oqıǵasy kezinde urlanǵan qarý. Sonymen qatar 2 myńnan astam oq-dári alynǵan.
10 naýryzdan bastap elimizde «Quqyqtyq tártip» respýblıkalyq jedel-profılaktıkalyq is-sharasy ótip jatyr. Onyń aıasynda zańsyz aınalymdaǵy qarýdy anyqtaý jáne tárkileý jumystary belsendi túrde jalǵasýda.
Is-shara bastalǵaly beri:
– Zańsyz aınalymnan 105 qarý, 260-tan astam patron jáne 13 jarylǵysh qurylǵy tárkilendi;
– Qarý men oq-dári saqtalǵan 19 jasyryn oryn anyqtaldy;
– Qańtar oqıǵasy kezinde urlanǵan 6 qarý, sondaı-aq polısııanyń qyzmettik jabdyqtary tárkilendi. Olardyń ishinde bir tapansha, eki oıyq uńǵyly karabın, 3 tegis uńǵyly ańshylyq myltyq, sondaı-aq oq ótkizbeıtin keýdesheler bar.
JPISh barysynda azamattar 10 qarýdy erikti túrde tapsyrdy.
Sonymen qatar 5 myńnan astam azamattyq qarý ıeleri tekserilip, olardyń 70-ten astamy ákimshilik jaýapkershilikke tartyldy.
Zańsyz aınalymnan 340 qarý tárkilendi
Sondaı-aq 6 naýryz kúni Almaty oblysynda oblystyq polısııa departamenti men UQK departamenti qyzmetkerleri Qonaev qalasynyń shetinde jasyryn qoımany anyqtady. Onda Almaty qalasynda Qańtar oqıǵasy kezinde urlanǵan karabın tárkilendi.
11 naýryzda Jambyl oblysynyń Baızaq aýdanyna qarasty Sarykemer aýylynyń mańynda, Talas ózeniniń jaǵasynan krımınaldyq polısııa qyzmetkerleri Taraz qalasynda Qańtar oqıǵasy kezinde urlanǵan ańshylyq myltyqtardy taýyp, tárkiledi.
Azamattardan 2 300-den astam qarý tárkilendi
Ishki ister mınıstrligi zańsyz saqtalǵan qarýdy erikti túrde tapsyrý azamattardy qylmystyq jáne ákimshilik jaýapkershilikten bosatatynyn eske salady. Sondaı-aq azamattyq jaýapkershilik tanytyp, negizsiz saqtalǵan qarý-jaraqty tapsyryp, qoǵamdyq qaýipsizdikti qamtamasyz etýge úles qosýǵa shaqyrady.
Jyl basynan beri 664 qarý tárkilendi