Premer-Mınıstr Asqar Mamın jumys sapary aıasynda Shymkent pen Túrkistan qalalarynyń kólik jáne áleýmettik-mádenı ınfraqurylym nysandarynyń qurylys barysyn tekserdi. Bul týraly Premer-Mınıstrdiń baspasóz qyzmeti habarlady.
Shymkentte Úkimet basshysyna bıylǵy jeltoqsanǵa deıin salý kózdelgen, ótkizý qabileti saǵatyna 2000 jolaýshyny quraıtyn halyqaralyq áýejaıdyń jańa jolaýshylar termınalynyń qurylys barysy týraly baıandaldy.
Premer-Mınıstr Túrkistanda jańa halyqaralyq áýejaıdyń jáne oǵan aparatyn avtomobıl jolynyń qurylys qarqynymen tanysty. Nysan oblys ortalyǵynan 16 shaqyrym jerde ornalasqan jáne bıylǵy qyrkúıek aıynda paıdalanýǵa beriledi. Termınaldyń ótkizý qabileti jylyna 3 mln jolaýshyny quraıdy dep kózdelgen.
A. Mamın Kongress-holldyń, 7 myń orynǵa shaqtalǵan stadıonnyń, Oqýshylar saraıynyń, basseıni bar sport kesheniniń, attraksıondary bar qala saıabaǵynyń, drama teatrynyń, oblystyq ǵylymı-ámbebap kitaphananyń, «Uly dala eli» ortalyǵynyń, Q. A. Iаssaýı mýzeıiniń jáne Tuńǵysh Prezıdent saıabaǵynyń qurylys alańdarynda bolyp, Uly Jibek joly qolónershileriniń ulttyq ortalyǵynyń ǵımaratyn rekonstrýksııalaý barysyn tekserdi.
Úkimet basshysy árqaısysy 120 bólmeden turatyn «Rixos Turkestan» jáne «Hampton by Hilton» qonaq úıleriniń, sondaı-aq «Sembol construction» túrik kompanııasy salyp jatqan «Kerýen saraı» kópfýnksıonaldy týrıstik kesheniniń qurylysy barysymen tanysty. Atalǵan barlyq qonaq úı-týrıstik nysandaryn osy jyly paıdalanýǵa berý josparda bar.
Premer-Mınıstrge «Áziret Sultan» mýzeı-qoryǵyn abattandyrý jospary tanystyryldy.