Qurmetti otandastar!
Sizderdi Qazaqstan halqynyń birligi kúnimen shyn júrekten quttyqtaımyz.
1 mamyr – elimizdegi barlyq mádenıetterdiń kóptúrliligi men rýhanı qundylyqtardy pash etetin jarqyn mereke.
Barlyǵymyzdy etnostyq tegimiz ben dinı senimimizge, saıası ustanymymyz ben túrli kózqarasymyzǵa qaramastan, týǵan elimizge degen mahabbat, ózara túsinistik pen qurmet, bolashaqqa degen jaýapkershilik pen ortaq múddelerimiz biriktiredi.
Birlik – bizdiń erekshe saqtap, qorǵaıtyn basty baılyǵymyz ben jetistigimiz. Ǵasyrlar boıy qalyptasqan halyqtar dostyǵynyń arqasynda memlekettiń damýy tarıhyndaǵy qıyn kezeńderdi birge ótkerdik.
25 jyl buryn Elbasy qurǵan Qazaqstan halqy Assambleıasy jalpyhalyqtyq kelisimdi saqtap, nyǵaıtýda úlken jumystar atqaryp keledi. «Birlik kóptúrlilikte» modeli memleket saıasatynyń basty baǵdarynyń biri jáne solaı bolyp qala beredi.
Búginde barlyǵymyz birlesip koronavırýs pandemııasymen jappaı kúresýdemiz. Qazaqstan halqy tótenshe qıyndyqtar men synaqty jumylyp jeńip shyǵaryna kúmánimiz joq.
Qurmetti dostar!
Shýaqty merekede Sizderge zor densaýlyq, otbasylyq bereke, bolashaqqa degen senim tileımiz. Yntymaq-birligimiz ajyramasyn!
Týǵan elimiz kórkeıip, tatýlyǵymyz arta bersin degen izgi tilegimizdi qabyl alyńyzdar!
Qazaqstan halqy Assambleıasy